毛毛雖然仲係好後生，正值青春美男子時期，不過都開始覺得同啲小學雞有代溝喇，好似佢哋淨係識咩係港鐵，唔識咩係火車咁。唔知而家啲細路，又有冇聽過咩係稻草人呢？

雖然日本係好先進，但啲鄉郊地方都仲有好多塊田㗎～啲農夫仲係用緊稻草人嚟幫手嚇走啲想偷食農作物嘅雀仔㗎～不過可能啲農夫覺得就咁用草整，實在滿足唔到佢哋對藝術嘅追求，所以就整咗一系列疑似叫做「藝術嘅嘢你識條草咩」嘅稻草人。

晚媽媽見到都咪話唔驚呀。不過平時又可以嚇雀仔，到農曆七月呀、Halloween呀又可以拎嚟開party嚇人，方便又快捷。

專家的神個女朋友小莉身著水手制服親親大自然，埸面引人暇想。

呢個堅恐怖呀！想趕雀仔啫，使唔使咁得人驚呀？！連人都畀你嚇走埋喇！

不過都好嘅，之前有報道話好多強國同胞去到韓國玩嘅時候滋擾民居同亂咁摘人哋啲農作物，擺幾個超驚嚇稻草人喺度，咪唔怕強國人入侵囉，希望可以。

封面圖片/資料來源：jump_up_/ twitter