點解！點解連一個包都要欺騙毛毛感情呀？

日本七仔為咗慶祝就嚟到嘅情人節（不要說了，哪有情人，你老＿），已經連續兩年推出呢個心型麵包喇！本身個包都幾正常嘅（好似係），粉紅色，可遇不可求！入面仲要有埋朱古力醬，成件事好完美吖！聽落。

成班網友買完之後，就發現原來中大伏呀喂！現實中嘅心型包比起相入面嘅淺色少少，細心睇仲有幾條好似血管咁嘅嘢喺上面?。

一擘開個包，濃濃嘅黑色液體流晒出嚟，真係隔住個mon都覺得……仲令毛毛諗返起細細個阿媽幫我探熱嘅情景，真係非常有親切感呀！

連個包都呃人，呢個世界仲有啲咩係信得過？毛毛望住手上嘅空氣包，睇唔透呢個世界。

封面圖片來源：news.qwe.jp/twitter

資料來源：AM_OSHINO4wd、you_large、mina_melolovely、oresama________