原來而家K3學嘅嘢都咁深㗎？唔怪得毛毛讀極都未grad到啦……

呢份工作紙應該係畀小朋友學食物營養，抄低食物上面嘅營養標籤落工作紙度，認識下每種食物有幾多糖呀鹽呀咁嘅，可能係為第日大個仔入「降低食物中鹽和糖委員會」度做舖路啩～不過唔係搬字過紙咁簡單㗎，而係要用英文做！啲英文咁pro，唔講仲以為係F.3功課喎！

毛毛同post呢張工作紙出嚟嘅媽咪傾過，佢話成個單元係講稻米嘅，例如會要小朋友貼唔同嘅米落工作紙，同認識下同種米有關嘅嘢咁，不過就其中有一張工作紙比較深囉～媽咪過問過老師，係想小朋友可以涵接到小學課程呀～

毛毛醒起之前見過份難到喊嘅小一英文功課，就明白鳥！小一學嘅英文已經咁難，幼稚園真係要打好個底先得呀！

嗱，咁樣樣乜都一早預備定，肯肯定唔會輸在前列腺！

封面圖片、資料來源：不願小朋友成為功課奴隸

延伸閱讀：【黐Q線】難到講都冇人信係小一英文功課