冇著鞋唔小心踢到枱角，又或者畀阿媽藤條炆豬肉，毛毛都知有幾痛，但講到失戀，毛毛就真係連少少概念都冇！好似前排呢個台灣環島失戀哥咁吖，毛毛就真係睇唔透點解佢失戀要環島......

而呢幾日台灣又有位巴打要承受失戀之苦喇，分手都未算慘，最慘嘅係，佢分手之前仲訂咗件情侶裝呀！唉，而家咪唯有侷住取消張情侶裝訂單先囉......

雖然呢位巴打用緊笑喊樣，但毛毛知道佢心入面一定好痛......不過人哋做生意嘅，點會咁易畀你反悔吖！但呢位巴打取消張單之後，竟然都照樣收到包裹？！

原來入面除咗有個貓貓袋仔之外，仲有一張手寫嘅安慰卡呀！

嗚哇！雖然做唔成生意，但老闆都將自己嘅支持同鼓勵送畀呢位巴打......呢個故事真係睇到毛毛好滾動，喊到收唔到聲呀而家！嗚...嗚......

封面圖片及資料來源：kclc/批踢踢