眾所9知，雖然毛記大大台嘅筆直有限，但製作從來都好認真，就算用垃圾膠袋嚟扮衫，都要用質地最好嘅垃圾膠袋！！！而最近有讀者同毛毛講，話我哋淨係認真係唔夠，仲要夠創新先可以同人競爭！佢仲用埋大台《愛情食物鏈》最新嗰集嚟做例子?～

不過毛毛睇咗呢張cap圖成兩粒鐘都未睇到邊度創新喎......係咪件衫同部電話襯咗色呀？冇錯，就係部電話！

睇真啲！部電話個鏡頭喺下面，佢部電話係調轉咗嚟用㗎～吖，唔知咁樣拎係咪會聽得清楚啲呢？

以毛毛9估，佢肯肯定係表現緊個角色嘅內心戲喇！

btw，其實調轉部電話嚟用都未算最創新，廁所板夠可以當鏡用啦～嗚哇，咁都畀大台諗到，真係巧叻叻！

封面圖片及資料來源：TVB