你哋班廢青成日開口埋口都話成功需父幹......唉，誠哥邊有咁多個仔呀？所以話呢，今時今日再咁守舊唔得㗎喇，眼光放開啲，話唔定「成功需貓幹」都得呢～

是咁的，台灣有個好大頭蝦嘅貓奴，成日㩒完錢都周圍擺，又亂咁使錢喎，搞到連聖上都睇唔過眼，趁佢唔覺意嗰陣幫佢儲起晒囉～

而呢個貓奴又唔發覺啲錢唔見咗，直至臨近新年大掃除嗰陣，先喺電視櫃底搵到呢堆嘢出嚟：

經過奴才屈指一數，呢度有成5,900台幣㗎，即係千幾蚊港紙咁上下啦！

雖然聖上堅持咗咁耐先儲得千幾蚊，但最起碼都叫做有儲錢吖！邊似得你哋，個個月唔係買呢樣就買嗰樣，搵個一蚊刮沙都冇......

封面圖片及資料來源：廖信雅/貓咪也瘋狂俱樂部