強國而家身為堂堂大國，科技好先進㗎喇！農曆新年想返屋企過年？唔使好似以前咁要搭火車死迫爛迫嘅：

人哋而家有高鐵，巧叻叻㗎！今日就係強國春運嘅第一日，有強國大台之稱嘅中央電視台梗係要去做採訪啦！而有個網民就好好彩見證住班記者訪問嘅毛文呀！

個記者一上到個車廂，就周圍問啲乘客有冇買到車飛，咁啲乘客就梗係答佢有㗎啦！於是乎個記者就總結，話喺車廂入面隨機搵到十幾個人，原來都係有車飛㗎！嘩真係開心大發現，智將大湧現呀！你話喇點會有人估到原來上到車嘅乘客係會有車飛、冇返學嘅同學都可以舉到手嘅啫！呢個故事實在太感人喇！央視今次真係突破盲腸呀！

好彩我哋香港都唔輸蝕，你睇下689之前都話要失咗蹤嘅李波自己同正苦提供資料啦！神籮直呢啲嘢，毛毛真係識條鐵呀！

封面圖片及資料來源：大連獵神/微博