唔知新年係咪食得太多糕呢，毛毛條褲已經著唔落喇，典算好呀？唉，都話咗平時唔好操到成個張家輝咁大隻㗎啦，搞到嗰幾廿嚿腹肌頂住晒條褲喇（好似係）......不過，外國有隻巨兔仲大份過毛毛喎，連正常晒屎嘅兔籠都唔夠佢住！區區一隻兔仔，可以有幾大隻呀？等毛毛睇過～

咦喂，大到成隻狗咁嘅？

雖然巨兔好打耳，但佢嘅前主人因為冇能力照顧佢，所以佢而家要暫時住喺格拉斯哥嘅愛護動物協會度先～唉，希望巨兔可以等到一個合適嘅主人啦！

巨兔表示，唔好成日叫我兔仔啦，我有名㗎，叫Atlas！

Nice to 搣you呀Atlas! 不過你可唔可以話畀大家聽，點解你七個月大就咁大隻嘅？

喂，唔好唔出聲，畀下面好喎！

攬住Atlas嘅呢位小姐就話Atlas好乖好聽話，好鐘意畀人攬㗎！哎呀～毛毛都好想攬下......隻兔仔呀，一定好暖好舒服㗎啫！

兔仔呀兔仔，喺遠方嘅毛毛幫唔到你啲乜，不過你咁得意，一定會搵到個好主人㗎！係咪呀，哈姆Atlas!

封面圖片及資料來源：Metro