傳聞中，蜜蜂黨同螞蟻幫為咗爭做昆蟲界入面最勤力嘅代表，一直鬥個你死我活，而最近又有一隻蜜蜂因工殉職喇！話說蜜蜂不嬲都喺花叢採花蜜㗎嘛，但可能出面競爭太激烈喇，佢竟然採到去台灣一間學校入面喎，最後仲死咗喺班房度?......而台灣嘅同學仔見到阿Bee哥咁陰公，於是就幫佢搞咗個葬禮喇！

來賓請留步、一躹躬、再躹躬、三躹躬、家屬謝禮……雖然阿Bee哥未影車頭相就瓜咗，但個學生都親手畫咗隻蜜蜂個樣出嚟，仲用手機google埋佢個樣，嗚嗚，真係好有愛呀！講開昆蟲界嘅葬禮，其實除咗中式之外，都仲有西式嘅～

之前美國就有班學生幫小強搞咗個葬禮，唔止整埋棺材畀小強瞓，仲作咗好多懷念小強嘅詩歌，一張一張咁貼晒喺牆上面?～

any肥，無論中式又好、西式又好，講到尾都係想阿Bee哥同強哥可以好好安息啫，希望佢哋下世投胎可以好好做蟲啦。

封面圖片來源：爆廢公社
資料及圖片來源：爆廢公社、imgur

回帶睇埋小強葬禮： 【內有洋蔥】小強都有葬禮