I want you 廣東歌～喂，堅．香港人就梗係要堅．撐廣東歌啦！之不過，原來唔止香港人撐廣東歌，連韓國人都好撐廣東歌㗎！之前國民妹妹IU咪表演過《囍帖街》畀大家聽囉，都不知幾正～而喺最新一集嘅韓國綜藝節目《無限挑戰》入面，池石鎮都一樣咁撐廣東歌喎！

佢揀咗唱陳奕迅嘅《無條件》嚟應戰呀～

不過其實池石鎮都唔係第一次唱陳奕迅啲歌㗎喇，之前佢出席香港Running man fans meeting嘅時候咪唱過《重口味》同《無條件》囉！咦，次次都唱陳奕迅，睇嚟真係好鍾意佢咁喎，hehe～

雖然佢已經唔係第一次唱《無條件》，但佢都擔心自己唱得唔好，佢話如果陣間啲高音上唔到嘅話，大家記住陪佢一齊唱喎......

hey，真係傻豬嚟嘅，咪唱得幾好囉！（想睇埋片就自己撳入最底條Link度啦，由49:45開始呀）

btw，毛毛一聽到首《無條件》就好想好想好想唱K喇......腦細，如果唔介意嘅話，毛毛可唔可以work at K房呀？

封面圖片來資料來源：《無限挑戰》／viu （←撳入去有片睇）