你哋班廢青見過獎學金未？毛毛見過，毛毛真係見過！嗯，咪就係隔籬同學仔上台攞獎嗰陣見過囉……不過區區一個半個獎學金，算得係啲咩吖，要分就梗係分呢個堅．豬肉獎啦～

是咁的，浙江有間中學最近舉行咗開學禮，順便又將獎學金頒發畀上個學期成績優秀嘅學生呀咁，但特別就特別在佢哋唔係派錢，而係派豬肉呀！嗱，一等獎就有五斤豬肉，二等獎就有三斤......嘩，真係隔住個mon都聽到膠袋啲「沙沙」聲呀！

聽講呢間中學已經係第三年搞呢個分豬肉典禮㗎喇，學校就話喎，其實呢個獎都係志在畀同學仔同屋企人分享下自己努力得嚟嘅成果啫～睇下呢個同學仔幾開心！

咁又講得啱呀，其實大家都是獎，不用分那麼細啦！

封面圖片及資料來源：搜狐新聞