曾幾何時，毛毛細個嗰陣係真係相信呢個世界上係有魔法嘅，不過係估唔到自己大個咗之後仲做埋魔法師啫（FYI：傳說如果男人一直單身，去到三十歲就會擁有魔力，成為魔法師）。唉，如果可以好似下面呢個男人變魔術變到好似有魔法咁叻，就好喇！話說呢個魔術師前幾日去動物園表演變走手上張卡紙嘅魔術，不過佢嘅觀眾笨唔係一般人，而係一隻狒狒！

毛毛9估，隻狒狒應該係第一次睇人變魔術，當佢心諗呢個人做乜9喺佢面前係咁揚嚟揚嚟去嘅時候，突然間！個魔術師一揮手就震驚咗13億狒狒喇！

喺呢個毛文，毛毛肯肯定隻狒狒心入面變咗吳若希，係咁狂問：「典解嘅？典解嘅？」佢仲打耳到伸手去摸個魔術師隻手，想拎走張卡紙研究呀！

其實唔止隻狒狒，毛毛都睇到O晒嘴囉，不過係畀隻狒狒嚇到O嘴呀！吖，諗諗下，其實都幾似毛毛平時見到啲正苦官員9up嚇親嘅樣……

封面圖片及資料來源：thedodo、AFVMobile