噚日立法會教育事務委員會就學生自殺問題開咗個特別會議，吳焗腸決定撥款大嗱嗱500萬，向全香港嘅公營同直資中小學發放5000蚊「家庭與學校合作計劃特別津貼」。但有議員就唔明白焗腸一片苦心，話呢個特別津貼冇用，應該要檢討教育制策先啱喎，仲話唔少學生放假都有成23樣功課，好大壓力?！不過，焗腸就話嘞，如果有23樣功課嘅話就拎證據出嚟，局方會跟進......

而一眾家長聽到焗腸咁講，就即刻post自己阿囝阿囡啲手冊上fb group「不願小朋友成為功課奴隸」度......出嚟啦，證據！！！

嘩！毛毛出動左右手都數唔晒有幾多樣功課，一個小學生一日竟然要做16樣功課？不過大家唔好咁大驚小怪住，有16樣功課都只係第三位，第二位嘅家長有成22樣功課㗎：

終於到咗揭曉第一位嘅時間，登登登櫈......有成24樣功課呀！！！

冇理由嘅，冇理由嘅......區區一個小學生，一日點做24樣功課呀？如果每樣功課要做半個鐘嘅話，一日都要做12個鐘頭功課喎（好似係，除非唔係），咁啲學生仲邊有時間......種有機菜呀？唉，唔怪得連搭地鐵都要做功課啦～

btw，說好的跟進呢？um......都係當毛毛冇問過啦下。

封面圖片及資料來源：不願小朋友成為功課奴隸