平時毛毛去飲，都係用利是封入住啲人情㗎咋！估唔到而家原來已經興用銀行入數！嘩，真係國家要開放，思想都要開放呀！咁先進都有㗎咩！

是咁的，有網民喺香港討論區開post，話今日收到同事封紅色炸彈，對新人仲好大方咁話自己個BB就快出世，要大家過數畀佢，同埋記住要keep入數紙，到時入場嗰陣就可以核實資料啦！成件事真係好似一個集團咁有系統呀！最難得係佢夠誠實吖嘛，而家好少見㗎喇！

個網民仲話呢個同事見人就派帖，連part time都唔放過，睇嚟佢真係好想大家一齊嚟分享佢嘅喜悅喎！毛毛都好戥佢開心呀，可惜自己未結婚，唔係我都要學佢咁寫定啲銀行戶口要人過數畀我先！

封面圖片及資料來源：認真又輸鳥/香港討論區