眾所9知，小學其中一份常識功課呢，一定有種蠶豆份！日日望住粒蠶豆慢慢發芽，真係幾有成功感㗎！

毛毛相信呢個台灣網友都同我一樣咁有滿足感啫！事關佢竟然洗洗下紅豆，都可以整到佢哋發芽？

原來佢喺廁所洗紅豆諗住煲紅豆沙嚟食嘅時候，唔覺意跌咗一粒落地，結果一個星期之後粒紅豆竟然喺廁所度發芽成長呀！

喂成件事會唔會太勵志先！直頭好似睇緊變變變生命力咁呀！能夠喺廁所都成長到，都算係一種緣份，所以呢位網友最後就索性要好好咁種呢棵紅豆苗喇！

不過話時話，棵紅豆發芽得咁好，睇嚟個廁所啲養料都幾充足，幾有營養下喎……

圖片來源、資料來源：VivaFox/PTT