你話喇，如果隻隻流浪狗仔都可以遇到好人，咁會幾好呢～

話說今日有個台灣網友喺搭巴士嗰陣遇到呢一幕！隻狗仔竟然好乖咁識得企定定喺司機側邊，唔會周圍亂走，而司機亦都周不時會摸下佢，又會同啲乘客講唔好意思呀咁。到底發生咩樹呢？

個司機就解釋返，原來佢都唔知隻狗仔幾時跳上車，如果趕咗佢落車又驚隻狗仔會畀車撞，所以就諗住車咗佢返屋企先呀！呢張相一放咗上網之後而家已經有過千個轉發喇！好多人都大讚個司機好有愛心，而喺呢個毛文，神奇嘅事就發生咗喇！竟然有人認得隻狗仔，仲知佢個主人係邊個?呀！

原來隻狗仔係附近消防局養嘅消防狗，前排消防隊要搬走但隻狗仔又唔肯，於是就離家出走咗囉……唉真係好任性呀！好彩有呢位連狗都認得嘅網友幫佢搵返主人咋！毛毛聽講，佢而家已經返咗主人身邊喇！成件事可以完滿結束真係好呀，原來人間有愛，係真㗎喎！

圖片來源、資料來源：陳程振