貪新忘舊係人嘅本性，雖然係咁，毛毛就算每日丁幾多打耳狗狗嘅facebook，都一定唔會唔記得台灣嘅勵志警犬㗎！你哋又仲記唔記得佢哋先！

呢幾隻警犬個樣係咪又威水又醒神呢！其實佢哋本身係流浪狗狗嚟，不過畀台東一間派出所收養咗，仲訓練做警犬，從此狗生就有返晒希望同意義喇！呢個咁勵志嘅故事，由台灣傳到香港，又吸引咗一對香港夫婦去台灣喎～

黃生黃太唔係去台灣行夜市咁簡單㗎！黃太患咗漸凍人疾病，行動好唔方便，不過好老公都唔怕困難，不辭辛勞帶埋老婆去台東探呢幾隻警犬～

黃生黃太話，流浪狗狗變身型仔警犬嘅故事令佢哋好感動，仲明白到生命嘅可貴，好開心可以親自感受到流浪狗狗點樣態努力扭轉命運！估唔到狗狗嘅故事力量咁大，人幫狗仔重拾自信，狗仔又幫返人極積面對困難，愛，真係無界限㗎！

封面圖片、資料來源：臺東縣警察局關山分局

延伸閱讀：【超勵志的唷】台灣流浪狗狗變身型仔警犬