毛毛細個見親貓頭鷹都係派信㗎，不過日本發現咗隻貓頭鷹由郵差轉咗行做騎兵呀，騎住隻馬個樣咁好有英氣?。

唔知有冇人同毛毛一樣，對貓頭鷹最大嘅印象就係叼住封信，仲好鬼有義氣?......

不過日本有嘢貓頭鷹都唔輸陣，識得騎馬呀人哋，隻馬仔係就係細少少，不過就返個比例差唔多啦。

貓頭鷹騎住隻馬仔行嚟行去，你睇佢個樣英到～唔知佢係咪騎上癮，仲威到騎埋狗?。

其實呢隻貓頭鷹係嚟自一間叫做Bibi and George貓頭鷹cafe嘅～好似香港啲貓cafe咁，入面好多貓頭鷹同人玩。

如果啲哈利波特主題餐廳都有啲貓頭鷹喺度同人玩咁就正喇，不過唔知到時啲貓頭鷹可能騎晒上啲人個頭度陪你食。

圖片來源：bibi_and_george、pressandjournal