領展班良心商人出咗名關心商戶，為咗令到班商戶有更優美嘅環境心曠神怡咁做生意，三時五日就翻個新裝個修是常識吧，咁裝修完係咁意加少少租咁就在所難免㗎喇，領展真係一番苦心呀。

話說咁太和街市就係一個好例子喇，上年裝修掛咗啲充藝術感嘅3D畫，真係去街市買餸都有去畫廊嘅風味，咁有智慧嘅裝修你話邊度搵吖？

不過雖然佢半年都冇之前先翻新完，但係翻新呢家嘢就包靚就唔包防水嘅，好似係，將就下啦。

呢幾日都係咁落雨，所以呢個翻新咗幾個月嘅街市咪成個水舞間咁，漏水漏到一地都係仲發晒霉囉，網民話渣成咁係因為領展啲工程判上判上判上判喎，哇領展日日賺到盡真係唔係浪得虛名呀下。

世事真係被被網民看透了，唉漏水漏成咁睇怕冇幾耐之後又要做多次優化工程喇，呀到時咪又有理由再加租囉～ 真係好有生意頭腦呀！

圖片來源：領展大集匯、Andrew Ng‎/Tai Po 大埔