毛毛對於整理衫褲鞋襪呢家嘢都有少少心得，er，個心得咪就係「堆埋一堆，方便打J」囉......咩啫？其實你哋咪又同毛毛一樣，唔好以為隔住個mon毛毛就唔知你哋間房啲衫堆到有幾高喎！不過亂咋嘛，使乜驚呀？有佢哋咪得囉。

話說強國呢期興起「衣櫃整理師」呢個職業，而呢個來自四川成都嘅妹豬小鄧就係其中一個衣櫃整理師嘞～聽講阿小鄧本身都係做服裝行業嘅，有次佢幫人整理衣櫃嗰陣就發現，次次轉季啲人啲衣櫃就會亂到mother都唔識得，執起上嚟very difficult，於是佢咪決定要成為一位專業嘅衣櫃整理師囉！

嗱，唔好以為執下衫褲鞋襪好easy呀，佢次次執都要按住啲衫嘅款呀、color呀、texture呀、season呀咁嚟執㗎！另外，衣櫃整理師嘅收費係按照衣櫃嘅長度嚟計嘅，100蚊一米。

吖，唔知毛毛做唔做得份工呢？一諗到毛毛要幫女女收拾底底真係red都face埋，不過作為一個專業嘅衣櫃整理毛，毛毛係唔會介意嘅。

圖片及資料來源：鐵血網

不過懶人都係睇返呢啲：

【正喎喂】去到邊瞓到邊嘅懶到出汁棉胎套裝

懶到出汁嘅五大懶人事！

【自暴自棄】袋鼠去到日本懶成咁？