唉，而家市道唔好，搵食艱難呀，唔止毛毛啦，就連喺cafe度駐場嘅貓星人都工時過長呀！話說日本好多貓cafe都開到夜晚10點，日本就有間電視台冇嘢搵嘢嚟問，竟然走去訪問貓星人，睇下啲貓cafe有冇需要將營業時間提早到八點喎！

咦，睇嚟佢真係認真想訪問貓星人喎，仲問佢哋攰唔攰?！不過你咁樣隊枝咪埋去，你想佢點認你呀喵！

不過呢隻貓星人唔直接答佢，索性用個樣嚟答佢！

嘩，同毛毛每一日返工個樣係一！樣！㗎！I know that feel呀喵，就算淨係坐定定喺度都攰啦…如果可以每日都back after 自然醒就好喇，夠精神做嘢先夠效率㗎嘛，你話係咪係呀腦細？

封面圖片、資料及圖片來源：まっちゃん/twitter