狗狗唔單止係人類嘅好朋友，狗狗之間嘅友情都好洋蔥㗎⋯⋯

話說喺智利，有隻叫「朱古力」嘅狗仔巧慘咁畀人毒死咗，當佢嘅好朋友知道「朱古力」死咗之後，就不停用個頭將啲泥推落去朱古力埋葬嘅地方，好似同佢講緊Bye Bye，見佢最後一面咁。

主人表示，佢哋兩個一直都係出雙入對，兩隻狗仔成日都一齊玩好似兄弟咁㗎！通常狗仔見到第二隻狗狗畀人埋葬緊，就會即刻走開，但「朱古力」嘅好朋友冇，反而陪住佢！

「朱古力」本身係隻被遺棄嘅狗仔，主人就唔忍心佢流浪街頭，所以執咗佢返嚟，不過就「估唔到佢咁快離開咗我哋，仲記得佢初時好細隻，我同本來養緊嘅狗仔都好歡迎佢嚟到新屋企。」原來佢哋住嘅地方，有人好殘忍咁毒死咗7隻狗狗，不過就仲未拉到！唉，希望唔會再有更多狗狗受害啦，嗚嗚⋯⋯

【狗狗友情歲月影片】

圖片及資料來源：Daily Mail