古乳有暈，無懼世事變改，還是越難越愛～ 邊個話蜥蜴同喵星人就唔可以係一pair㗎，你睇，佢哋仲恩愛過facebook啲放閃相呀！

是咁的，原本呢隻白色嘅喵星人同呢隻蜥蜴係由一對男女朋友各自養嘅，男朋友就養蜥蜴，女朋友就養喵星人，到到佢哋要結婚嘅時候就麻煩喇，將貓同蜥蜴放埋一齊養會唔會打交打到死㗎？！

不過事實係，貓同蜥蜴一齊住之後，仲恩愛過呢對夫婦呀（好似係）！佢哋一齊食飯，你食貓糧，我食蜥蜴糧（其實毛毛唔知蜥蜴係食咩）。


仲有一齊瞓覺，攬到實一實～ 毛毛都好想畀喵星人攬住瞓呀。


同埋，周不時都咀咀......哎呀哎呀閃到毛毛紅都面埋喇！

唉連蜥蜴都搵到自己嘅喵星人，點解毛毛仲係毒L一個......不過連喵星人都唔係搵返喵女做女朋友，毛毛係唔係可以考慮下唔一定搵女仔呢......

圖片來源：Love Meow