毛毛呢啲毒L，平時食飯都係外賣拎走返屋企食，廢事喺街度見到啲情侶篤眼篤鼻吖嘛……但係點解，點解連張外賣單都要串9我呀？

話說有個台灣網友諗住買個魯肉飯便當返歸食啦，點知驚覺見到張單寫住「就這樣」三個大字呀！而且個來客數仲要係零，即係而家唔當我係人啫。做咩喎，買得少我想㗎咩，我夠想食情人節大餐咯，鬼叫我得一支公咩……嗚嗚！

有好多網友都憤怒些牙，話原來佢哋都試過收到一樣嘅單呀！到底呢三個字有啲咩玄機呢？

仲要無論係叫得多定叫得少，個店家都係會照打呢句嘢喎。喂老老竇竇，會唔會「就這樣」呢三個字其實係隱藏菜式嚟，個老闆已經暗中咁幫你加咗料呢……毛毛不敢想像呀，嗚哇！

圖片來源、資料來源：ETtoday