榴槤城市～人來人往～為了理想起舞吧～

對一個鍾意食榴槤嘅人嚟講，如果可以唔使出街都喺屋企歎到啖啖肉嘅榴槤嘅話，咁就真係人生一大樂事！想唔出街都有得食？其實唔難吖，上網買咪得囉，最近先有網民喺網上用7蚊人仔買咗個榴槤咋嘛！

咩話？7蚊人仔就買到個榴槤喇？睇落呢個榴槤靚靚仔仔咁，好似又真係幾抵喎，即刻開嚟見毛毛先！

劈開一半，係冇肉嘅。

再劈開一半嘅一半，um……都係冇肉嘅。

再劈開一半一半嘅一半……喂！都仲係冇肉嘅喂？而家係唔係玩嘢先？

唔好嬲住…唔好嬲住……而家咪有肉囉！唔多唔少，一嚿啱啱好～

其實，呢個笨唔係一個普通嘅榴槤，而係一個可以測試人類容忍度嘅榴槤呀！！！嗱，7蚊人仔就可以加深對自己嘅了解……兼食到一嚿榴槤仔，係咪抵到爛先？

圖片及資料來源：ettoday