搽指甲油最驚係咩……冇錯，就係指甲油甩色。成塊甩咗都唔緊要，淨係甩咁是旦一忽先至核突吖嘛！唔想指甲油甩色？其實唔難吖，搽返百9幾層指甲油咪得囉～咁樣應該甩極都仲有掛？

而最近，有位來自加拿大嘅美容師Christine Rotenbertg就成功挑戰搽116層指甲油喺隻手度。嗱，大家唔好以為搽指甲油呢家嘢好簡單，呢樣絕對係耐性嘅考驗，事關你要等一層乾咗你先可以搽第二一層㗎！所以佢最後咪由朝搽到晚、足足搽咗成12個鐘先完成到囉……

另外，雖然佢已經係一個專業嘅美容師，但佢都唔係搽一次就成功，佢曾經都試過搽到第40層指甲油嘅時候就失敗咗，要由頭來嚟過㗎……真係陰公豬！any肥，事不宜遲，即刻同大家睇下佢嘅完成品先：

嘩！雖然毛毛就仲未識得欣賞指甲油嘅藝術，但開講有話，食刺身都要食厚切，呢幾座彩色小山丘厚成咁……應該都係好犀利嘅，55！

圖片及資料來源：Simply Nailogical／YouTube