講開獅子狗呢，平時做到隻狗咁嘅毛毛打邊爐嗰陣都好鍾意叫嚟食㗎！但勢估唔到，呢個世界竟然真係有獅子狗喎！

做狗應該乖乖哋似返個狗樣嘛，即係好似毛毛咁烚熟狗頭呀，以為自己留長啲毛就係獅子咩，最多都係獅子狗咋！

不過毛毛都明白，此狗不同彼狗，當呢隻扮萬獸之王嘅獅子狗好開心咁喺草原上奔跑緊嘅時候，毛毛都係坐喺雙子塔度扮緊死狗咋！

睇下，仲有fd子同佢一齊玩?，毛毛淨係可以隔住個mon葡萄咋！

唉，毛毛都好想好似呢隻獅子狗仔咁，喺草地上自由奔放咁跑呀跑呀！所以幾時都話，做隻狗真係好過做人呀…汪汪！

封面圖片、資料及圖片來源： yaba_zoo2/twitter
回帶：【你睇你個樣自豪到】真係有狗仔買咗Amazon廣告個獅子頭套呀！