最近有唔少台灣同學仔都行咗佢哋嘅畢業禮~嗱,畢業禮嚟講,最緊要就係同親朋戚友影多幾張相留念,話晒畢業禮都係人生大事吖嘛,而當然呢位台灣妹豬都唔例外啦!
睇下,呢位妹豬又拎汽球又拎花咁,幾開心仔~不過睇睇下,點解佢扎花好似有啲唔同咁嘅?咦,原來呢扎笨唔係普通嘅鮮花,而係用100蚊台幣摺成嘅銀紙花呀!嘩……乜咁大手筆呀?
可能你哋心諗送銀紙花呢個行為真係成個土豪咁,但毛毛同你哋講,你哋咁諗真係好膚淺……事關呢扎銀紙花其實係佢阿媽送畀佢㗎!聽講佢阿媽仲係特登上網睇教學,自己一朵一朵咁摺出嚟?~
而重點係,佢阿媽話呢扎花其實係佢畀囡囡嘅最後一次零用錢嚟呀!意味住呢位妹豬要靠自己嚕,嗚嗚……
圖片及資料來源:dcard
同學仔畢業系列: