正所謂，養兒一百歲，長憂九十九，除咗憂柴同憂米之外，仲會憂仔女有冇另一半（畢業之後）！就好似毛毛女人a.k.a.老母咁，成日擔心毛毛冇女人喎，唔通毛毛部電腦入面有幾千條東洋妹子又同你講咩！？不過好彩，毛毛老母都冇好似台灣呢位網民老母咁進擊，買咗件招男友嘅衫畀佢呀！

遠睇呢件衫係冇問題嘅，不過望清楚啲，就會見到大大隻字寫住：「I don’t have a boyfriend」，嘩，咁咪即係同通街話自己空虛寂寞凍冇分別？唔通佢真係覺得佢個女冇人要成咁？

不過就算件衫幾7都好，都係老母嘅一番心意嚟，而呢位台灣網民都好孝順，話會照著無誤咁話喎！

呢位台灣女網民又單身（重點），仲要咁孝順，一定可以搵到男朋友嘅！如果毛毛有機會去台灣嘅話…不過哪有錢，你＿ ＿！

封面圖片、資料及圖片來源：dcard