傳說中，毛記電視城入面有位好鍾意飲木瓜奶嘅女同事，呢位同事次次嗌親某餐廳嘅外賣都一定會叫木瓜奶，叫完仲要笑笑口咁?～不過如果佢杯木瓜奶係用呢個木瓜整嘅話，就唔知佢仲笑唔笑得出喇……

嘩！木瓜入面嗰三粒嘢係咩嚟㗎？乜咁L恐怖嘅喂……是咁的，話說有位台灣網民個老竇就係開農場嘅，見木瓜樹上啲木瓜熟到好似想挑逗佢咁，咁咪諗住開嚟見佢囉，點知一切開就見到呢三粒白色物體喇！

睇呢三粒嘢個款，有雞蛋同雞子嘅味道，但又唔係雞蛋同雞子……真係睇唔透係咩嚟喎！有冇植物小博士可以解釋下呀？

哦！原來呢幾粒白色嘢都係木瓜嚟嘅，之不過唔小心生咗係木瓜嘅核心內圍，加上接觸唔到陽光，所以先白到咁樣樣嘅～毛毛今日真係長知識了！

圖片及資料來源：林丸子‎／●【爆料公社】●