當一個女人開始妒忌另一個女人嘅時候，真係咩都會做得出……就算嗰個係佢best friend都好。

話說，最近網上流傳咗一段片段，片中有兩個強國女人喺北京平谷區一條玻璃棧道上面大打出手，仲打到連bra都露埋出嚟?……真係睇到毛毛紅都面埋！話時話，呢度係北京，唔係東京喎，又會咁夠薑喺度開拖嘅？

聽講呢兩條女本來情同姊妹，但因為著牛仔褲嗰條女發現男朋友同自己個姊妹玩online game，再加上佢哋三個嚟呢條玻璃棧道度郊遊嘅時候，男朋友同呢位姊妹又好好傾咁喎，所以佢咪覺得人哋想搶自己男友，最後咪打9條女兼扯爛佢件衫囉！

而可能呢粒花生太好食嘅關係，旁邊嘅遊客完全冇諗住勸交，仲即刻拎起手機拍片?～好彩，後尾有個男人將兩條女分開，呢場激戰先至告一段落咋。 btw，你哋以為人哋真係為咗爭仔先打交咩？其實人哋係想證明畀大家睇強國嘅玻璃棧道有幾咁穩陣咋，唔通做安全測試又要話你哋知咩！

圖片及資料來源：騰訊視頻