唔知大家有冇試過，行行下街嗰陣前面條友食煙，跟手啲二手煙飄晒去後面，即係你嗰度……雖然唔想硬食，但由於毛毛只係一個毒L，所以好多時都只能夠鼓起勇氣，再閉埋氣…一支箭標上前囉！唉，睇嚟毛毛都要學下呢個強國學生哥喇！事關佢竟然自己整咗個防二手煙呼吸裝置出嚟呀！

話說佢間學校好衰唔衰咁將佢同幾個煙民同學仔編埋住同一間房。咁你知啦，強國崇尚自由，室內係畀食煙㗎嘛，於是佢班同學仔就日日喺度放毒氣，搞到間房成間毒氣室咁呀！

不過你識食煙又點喎，我夠識發明咯！呢個好強大嘅網友竟然用個紙皮箱，垃圾膠袋，同埋一部風扇仔，就自製咗個防二手煙呼吸裝置出嚟喇！呢位同學仔遇到問題居然唔係諗要調房，冇去逃避，反而係整咗呢個咁出色嘅裝置出嚟，真係令到毛毛非常之欽敬呀！

有諗頭到咁，唔知幾時淘寶會有得賣呢下？

圖片來源、資料來源：閃電之力量／微博