夏天又多蚊又多蠓，咬到毛毛瞓唔安食唔落咁……老老77，如果啲蚊同蠓係會吸走毛毛啲脂肪嘅話，毛毛真係唔介意畀佢哋咬，但弊就弊在唔係吖嘛！而為咗解決畀蚊同蠓咬嘅問題，有人選擇用十9幾個蚊香自製防叮蚊香陣：

亦都有人選擇用既方便又快捷嘅方法，就係將平時放喺枱面嗰個防烏蠅罩嚟當蚊帳咁用：

雖然呢啲方法表面上好似work咁，不過今時今日淨係識防守係唔夠，仲要識得進攻先夠做！嗱，就好似呢位日本網民咁……

下，呢位網民竟然用一支原子筆就可以捉到隻蚊？明明平時啲蚊飛得快到連毛毛對摩打手都捉唔住㗎喎，到底佢係點做到㗎？呢位網民就話，佢之所以能夠成功捕蚊，係因為當佢撳個筆頭出嚟嘅時候，咁啱有隻蚊飛咗喺上面，所以當佢再撳多下嘅時候，隻蚊咪畀支筆夾住咗囉！

btw，原來原子筆都可以做到捕蚊器，唔怪得毛毛枱面啲筆成日都唔見啦，等毛毛仲以為邊條粉皮借完人支筆用又唔還?，55。

圖片及資料來源：KomaMito／twitter、dcard、陳少鈞‎／●【爆料公社】●

回帶：【生活智慧王】用呢樣嘢嚟做BB蚊帳又得喎！

回帶又回帶：最強防叮蚊香陣助你安心好睡眠！