要數香港廢青最鍾意去旅行嘅地方，一定有東京份！東京街頭好似香港咁，周圍都係霓虹燈同雞乸咁大隻字嘅招牌，真係好sharp好搶眼。最近日本一個藝術家Daigo Ishii就搞咗個「Worldwide Tokyo-lization Project (世界東京化計画)」，化身做PS大神，將外國一啲大城市好似紐約、巴黎、威尼斯咁，執到變晒東京style呀～

曾經有人話過「世界上冇所謂『距離』，一切就存在我哋腦海入面」，Daigo Ishii就將呢句說話用呢個藝術計劃實現咗出嚟。

要將世界城市都變做東京style，首先要諗下，到底咩係東京style呢？東京嘅形象係點嘅呢？毛毛又諗，呀唔知香港畀人嘅印象又係點嘅呢？除咗一樣係石屎森林同一街都閃燈招牌，會唔會就係「梗有一間金舖藥房喺左近」？

睇完咁多東京style嘅神改圖，真係又有環遊世界嘅感覺，又有去咗轉日本嘅快感！咁大個人，梗係要FF多啲，睇下相FF下，又可以慳返去日本嘅旅費，儲錢錢快啲上樓喇yeah！

封面圖片、資料來源： spoon-tamago