根據非正式兼非正經調查，令男性最有fantasy嘅職位第一位就係…… 女僕喇！睇動漫都睇得多啦，女僕會著住條短裙仔斯斯文文怕怕醜醜咁服侍你，又會叫你主人喎，係真好卡哇依呢～

日本嘅女僕cafe出名就係人都知呀，不過要飛去日本又哪有錢呀，好彩台灣都開咗間女僕風牛排餐廳啫！雖然有網民表示「從這封面已經找不到任何消費慾望了」，但係聽人講台灣妹豬講嘢都好陰聲細氣，去開下眼界都好啵！

嘩終於到咗女僕風牛排餐廳喇！係傳說中嘅女僕呀！呀咦，不過呢位女僕姐姐…好似…怪怪哋咁嘅？

呢個情況，兩個字講晒，就係「伏已踏中」。但係咁啵，人哋係話女僕風，都冇話堅女僕，係你班毒L一廂情願啫……呢位女僕風嘅男僕，都真係幾有風味呀你話係咪。

竹笙，笑甚麼！你骨子裡都一樣覺得佢哋好卡哇依！其實呢幾個女僕風嘅男僕唔係為咗錢出賣自己，都唔係畀變態腦細罰，而係自己覺得好好玩所以先自願下海㗎～聽講呢間舖下一個主題係空姐，毛毛要儲定錢飛去台灣同空姐風空少砌心心先得喇～hehe！

封面圖片、資料來源： 平偉本色