大埔廣福道七哥？你哋有冇聽過大埔廣福道七哥個名呀？嗱，大王就話冇人識啫，但大埔廣福道七哥個名，毛毛細細個就聽過喇！唔止聽過，毛毛仲去過朝聖?！

聽一眾七七嘅Fans講，其實去朝聖都有四大規條要守㗎！包括唔可以騷擾七七瞓覺、唔可以亂餵七七食嘢、唔可以私自抱七七，仲有影七七嘅時候唔可以影響藥房正常運作（當然用閃光燈都係唔得啦）。不過咁，如果你真係好想同七七有更多互動，都可以問下職員批唔批准嘅～

雖然聖上已經訂立四大規條，但最近，有Fans竟然發現七七疑似畀人強吻呀！下，邊位奴才咁大膽呀？呢位Fans就話：「已經唔係第一次，條友係咪變態？唔該唔好再咁搞阿七！（應該係唇膏印嚟）」

大家睇下聖上個樣幾嬲豬！唉，其實大家想表達自己有幾愛?七七，都唔使真係?落去嘅……再講吖，聖上接觸得多化妝品都唔係咁好，呢位奴才咁做又何必呢？

圖片及資料來源：Kaming Chung、Joe Yip／大埔廣福道七哥