係人都知喵星人最鍾意就係搵窿瓹啦，窿窿好似對佢哋有種神秘引力咁，搞到佢哋一見到就會忍唔住瓹個頭入去！其實汪星人都一樣傻到搵窿瓹，你又知唔知呀？

點解呢堆汪星人卡住喺個窿度都仲可以笑得咁開心，好似覺得自己擁有世上最美好嘅窿窿咁嘅？搞到毛毛都好想學佢哋咁玩下窿窿呀hehe～

呢排Pokemon Go咁hit，汪星人點可以唔玩埋一份呀！不過佢就唔係出去做訓練員，而係做畀人收服嗰個啫…… 

聽講伊貝好難收服㗎，不過唔怕喎，學日本呢個小精靈訓練員咁咪得囉！首先喺紙皮上面畫隻伊貝，再cut返個窿畀佢隻柴犬突個頭出嚟，睇下！伊貝GET！

嗱嗱嗱，溫馨提示！如果想收服汪星小精靈，用紙皮玩下好喇，千祈唔好真係幫狗狗染色，當佢哋玩具呀！小精靈係同我哋一齊成長嘅好同伴，汪星人都係！

封面圖片、資料來源：takase_farm／twitter

延伸閱讀：【有冇人性㗎】染到隻狗成隻比卡超咁好得意咩？