為咗喺茫茫人海之中搵返自己女神出嚟，你可以去到幾盡？英國呢個男人，就決定要拋個身出去……貼街招，希望可以重遇返女神呀！

搞咩要自己貼自己街招咁大陣仗呀？其實一切都要由一個嘉年華講起。是咁的，話說呢個男仔前排喺一個嘉年華度對個女仔一見鍾情，大家都好啱key㗎，但好衰唔衰呢個男仔竟然唔記得媾女大法嘅第一招：抄牌！就白白咁放咗個女仔走喇……

好彩佢都蠢唔晒，冇電話號碼，都仲記得問個女仔住喺邊！後來佢仲直接去咗個女仔住嘅地方周街貼告示，終於皇天不負洛克人，女神出現了！喺佢貼完街招嘅嗰一晚，女神就打電話畀佢，大家仲約好咗要出嚟見面?呀！

原來貼街招係咁有用，唔怪知得呢個大學生都要貼街招尋女友啦！不過講咁多嘢，其實咪又係your face your fate……唉！

圖片來源、資料來源：itv

回帶：【筍盤喎】中大畢業生徵女朋友？