唔使唔認喇，你敢講你中學嘅時候冇試過塞條耳線入冷衫袖再托頭偷偷地聽歌？冇試過鑽穿張學生枱㨃條飲管上嚟飲嘢？

時代唔同喇，以前就覺得上堂偷偷地聽下mp3、飲下檸檬茶已經好in，而家就梗係玩電話先夠滿足啦，但依然一樣嘅係，學生哥嗰種不繼努力諗新方法避過老師法眼嘅打不死精神！（btw你以為老師真係會唔知咩，懶得出聲話你咋傻仔）

呢個膠杯，表面上係一個台式飲品膠杯，實際上，係內藏玄機嘅上堂好拍檔！

只要將佢斜斜地咁?開一半，擺部手機入去，將完整嗰面對住黑板，就可以Sir不知Miss不覺咁上網喇！嗚呀，毛毛突然覺得自己以前淨係識將本漫畫收喺教科書入面睇呢招真係好cheap好羞家呀…… 

學識呢一招，呢位同學咪可以唔使再匿喺同學大髀玩機…...I mean手機，咁辛苦喇！我真係恭喜你呀，快啲起返身啦！

封面圖片、資料來源連結：黃家庠 

睇埋：【生活智慧王】原來膠杯蓋可以咁用？