講起迪迪尼，大家都會諗起唔同少女憑住美貌勾搭王子然後飛上枝頭變鳳凰從此喺城堡入面畀王子包養過住幸福快樂生活嘅勵志故事，或者關於成班一係唔著衫一係唔著褲嘅動物嘅童話故事。少年，你實在太年輕喇，你以為呢個地方真係咁幸福快樂？！

今日就帶大家一齊去日本迪迪尼樂園揭穿童話故事背後嘅黑幕！原本事主唐老鴨開開心心咁招搖過市，對fan屎揮手打招呼，點知無啦啦畀佢撞到《大力士》個反派黑帝斯呀！今次一定嚇壞唐老鴨寶寶喇！

好嘅唔靈醜嘅靈，有咩慘得過撞到一個大奸角？就係撞到兩個呀……話咁快連《阿拉丁》入面個大奸狗賈方都出埋嚟蝦唐老鴨，兩個高大衰一齊對住佢指指點點，嚇到唐老鴨頭耷耷呀陰公……

高飛作為一隻比布魯托高級一啲嘅狗，竟然只係企埋一邊食花生？！可惡呀，枉你識得講人話呀！睇高飛著到同賈方咁似，都唔知係咪已經投靠咗惡勢力嗰邊?呀！

好彩喺黑帝斯同賈方準備捉走唐老鴨嘅時候，高飛終於良心發現，出手救返唐老鴨！

Between，好多人都覺得黑帝斯同賈方實係想捉唐老鴨返去整烤鴨食，毛毛就話睇嘢唔可以咁表面喇，話唔定佢哋一早已經轉咗行做道德偉人，睇唔過眼唐老鴨長期著衫唔著褲，所以先捉佢返去打patpat呢！

すてきすてき!!!! pic.twitter.com/Kd2c5WUVbb

— あおこ (@a_kobu_ein99) September 12, 2016

封面圖片、資料來源連結： a_kobu_ein99／twitter

更多黑幕：【帽事嘅】高飛同米妮做咩背住米奇做啲咁嘅嘢呀？