最近，網上流傳咗一張考考你視力嘅圖（講明先，唔係gif嚟㗎），聲稱正常人係冇可能同一時間睇到晒幅田入面嗰12粒黑色點，因為當你focus喺其中1粒或者幾粒點嘅時候，其他點就會消失……咦，真係咁神奇？等毛毛睇過睇過～

嗚呀！雖然毛毛睇呢張圖之前已經齋戒丁沐浴咗七日七夜，以最佳視力狀態嚟睇呢張圖，但毛毛真係唔可以一次過睇到晒12粒點喎……到底用咩方法先可以突破盲點，睇到晒12粒點呀？

有聰明嘅日本網民就表示，想睇晒12粒點？其實唔難吖，有請神探伽利略咪得囉～

嗱，將12粒點變晒做福山雅治個樣，福山雅治靚仔到咁樣樣，你仲點會睇佢唔到喎！靚仔嘅威力是咪好驚人呢……55。（講明先，唔好同毛毛講咩「福山雅治唔係黑色就梗係睇到」呢啲大道理，喺靚仔面前係唔會有理性的，ok？）

資料來源：J. Ninio and KA Steven、handsomekubota／twitter