毛毛聽啲女同事講，話最近好興呢啲漸層飲品，因為個樣生到好到幻彩揈啷啷咁七彩顏色，好夢幻咁樣樣喎！

可能係毛毛唔識嘢啦，唔知點解見親呢啲漸層飲品，我都會諗起用嚟洗水彩筆嘅水……Any肥，台灣有個網民都買咗支好靚嘅漸層花茶，點知原來係一個大伏嚟……

都叫做同廣告張相圖文相符，有齊咁多隻顏色，咁多個漸層吖！正當佢諗住搖勻杯嘢再飲嘅時候，奇蹟一刻就出現了！

見到呢杯嘢係咪好有親切感呢？冇錯，就係細細個上科學堂嗰陣一定有見過嘅石灰水喇！估唔到除咗石灰遇上二氧化碳會變成奶白色之外，將啲漸層飲品搖勻之後都有咁嘅效果㗎喎！樂觀啲諗，杯嘢個樣係就係衰咗啲，之不過點都好過表面望落去冇嘢，但原來含鉛嘅水吖是咪～

圖片來源、資料來源：yuluo／PTT