領養代替購買，呢句說話毛毛細細個就聽過啦！不過勢估唔到，原來領養可以領到隻狼返嚟喎！

話說呢個住喺美國嘅男仔喺領養中心帶咗隻狗bb返屋企，嗰陣時佢淨係覺得隻狗仔對眼好靚，係好少見嘅琥珀色，但係佢從來都冇諗過，原來呢隻狗笨唔係一般嘅狗……

後來狗仔慢慢長大，主人就開始發現佢啲行為勁古怪。好似會咬爛屋企嘅欄杆（好彩唔係咬主人後欄），仲會走過去鄰居屋企搞破壞，搞到主人要帶佢去收容中心度睇醫生呀！

看透世事嘅收容中心職員一睇就知呢隻狗怪怪der，因為佢根本就唔係狗，而係一隻混種狼囉！今次真係堅﹒狼來了呀！

好彩呢隻狼最後都去咗一間專門收留狼嘅動物中心度住，從此就過住幸福嘅生活嚕！Between，講到狼來了，呢個主人都係由狗變狼啫，香港直情有人由人變狼?啦！唔知有冇收容中心可以收留埋佢呢下？

圖片來源、資料來源：《The Dodo》