破爛牛仔褲，簡稱爛牛，係時下年青人衣櫃必備item之一。雖然真係好多人鍾意著爛牛，但其實要carry好一條爛牛都唔係咁易㗎！嗱嗱嗱，好似呢兩位女女咁咪出事囉……事不宜遲，即刻睇下！

首先有畀hihi fd子出賣嘅呢位台灣女同學仔：

話說有位台灣網民就話見到自己個女仔fd子著住條爛牛一坐底就會爆晒啲肉出嚟，仲話人哋幸福肥得太誇張?。少年，咁嘅level你就話人哋誇張，你會唔會太年輕呀？不如睇埋畀另一位外國網民出賣嘅呢位女女先講啦。

咦……點解一見到張相，個腦就會自動彈咗吳雨霏一首描述情人之間由愛變成枷鎖嘅經曲動人作品－《逼得太緊》出嚟嘅？

btw，你哋以為呢位女女咁著好容易㗎？淨係成功拉到條爛牛上去已經值得加50分啦！再講吖，而家係人著衫，唔係衫著人，話唔定而家fashion真係興咁樣樣著爛牛呢～fashion嘅嘢，你哋識條爛牛咩？

資料來源：dcard、goldlattes／twitter