毛毛叫得毛毛，都心知肚明冇女仔會鍾意我㗎喇！好似毛毛啲女同事咁，成日喺度討論要點樣整走啲毛毛，真係聽到心都傷埋。反正都係喇，不如等毛毛本人介紹個拔毛夾畀大家啦！如果係用呢個夾整走啲毛，我ok喎！

各位毒L們，是咪覺得呢個拔毛夾好有親切感呢！冇錯，佢就係傳說中嘅勇者之劍！…之拔毛夾！你唔好見佢外型好似好霸氣咁，真係可以用嚟抆毛㗎！

如果毒L冇毛抆，都可以用嚟當鎖匙扣！佢仲有埋個木座，得閒扮下勇者喺個座度抆把劍出嚟你都咪話唔爽！

聽講12月日本就有買㗎喇！不過定價都幾貴，要成3600日圓。睇嚟勇者要拔毛，除咗要有勇氣之外，仲要有錢呀下…！

圖片來源、資料來源：greenfunding、vvstore.jp