最近呢幾年香港吹起行山風，一放假個個山頭都堆滿晒人，有啲出名、有得影呃like相嘅名山，就更加係熱鬧過街市。之不過咁，行山還行山，可唔可以有返啲公德心先？

老老竇竇，見到成個山頭都係垃圾，毛毛真係心都痛埋！如果大家都可以跟呢班菲籍姐姐學下嘢，就好喇。

話說有香港網民噚日去行馬鞍山嘅時候，竟然見到呢班菲律賓姐姐一路行山一路幫手執垃圾呀！

個個義務執但係都執到一袋二袋，仲要笑到四萬咁口，真係隔住個mon都想同佢哋講聲多謝呀！外國勢力都咁關心香港，保護香港，真正嘅香港人呢？可唔可以同毛毛一齊留住香港嘅大自然呀？

圖片來源、資料來源：Edward So、香港初級行山之友

回帶：【有愛唔怕凍】義工去東龍島清咗百袋垃圾