2016年11月03日 星期四
【睇到都飽】日本動漫咖喱成兜水彩咁樣樣
日本人真係好幸福呀，咩好味嘅嘢都可以食到！紫薯雪糕呀、炸雞pizza呀，乜都係日本限定，就連盒即食咖喱個包裝都卡哇依過人，有個動漫妹豬喺上面㗎！
日本嘅咖喱甜甜哋，出咗名係撈飯神器，呢盒即食咖喱個包裝仲要咁靚，食完一定會好似個動漫公仔咁開心到跳起啫！
咦喂？話明煮咖喱，你拎兜水彩出嚟做咩呀？仲要一邊藍色一邊紅色，想cosplay百事個logo呀？萬聖節過咗喇，明年請早啦。唔講都唔知，原來呢兜水彩咁樣樣嘅嘢，就係用嗰盒動漫咖喱煮出嚟㗎囉……下，明明包裝上面煲咖喱係正常啡色㗎喎大佬，真係估你唔到呀食神……
小朋友，黃加藍變綠，咁藍加紅係咩色呀？冇錯喇，就係紫色呀！真係話呢兜會變色、好似水咁稀嘅嘢唔係水彩都冇人信呀！
不過毛毛覺得呢款動漫水彩咖喱都唔算好誇張啫，食得落呢兜史萊姆咖喱先係打大佬呀！有邊位勇士夠膽挑戰嘅話畀毛毛知！毛毛會……唔再同佢講嘢。
封面圖片、資料來源連結：2ch
延伸閱讀：
