最近，有台灣網民就upload咗一條片上facebook，話拍到一名女士偷嘢嘅經過喎……嘩！唔係咁猖狂呀嘛？

首先，呢位身穿黑色上衣嘅女人就喺貨架上面拎咗一件貨品，然後佢突然用右手掀起自己條裙，將件賊贓塞咗入條裙裡面，最後佢仲用大髀夾住件賊贓離開?！

雖然用裙底藏賊贓呢招已經唔係啲咩新招，但佢竟然可以用大髀夾住件賊贓嚟行都行得咁自然，加上整過偷嘢嘅過程都只不過幾秒就完成……呢位女士果然係訓練有素嘅老江湖呀下！事不宜遲，即刻睇下案件係點發生：

btw，公道啲咁講，條片都未影到個女人行出門口，大家點知佢之後會唔會拎去收銀處畀錢啫？話唔定人哋想多啲運用大髀內側嘅肌肉，所以先特登唔用購物籃，改用裙底咋嘛！應該係，除非唔係。

資料來源：Derek Shih／爆料公社亞洲版