早幾個月，一街都係小精靈訓練員，行行下路條友急停搞到你煞唔切掣撞咗埋去？佢肯定係停低捉小精靈囉。三更半夜有成班廢青喺公園跑嚟跑去？佢哋唔係鬼上身，都係捉小精靈啫。老竇老母飲茶嘅時候掛住篤電話唔同你傾偈？放心啦，佢哋唔係有私生子，都係上網睇緊收服小精靈攻略啫。雖然此情不再，而家Pokemon Go熱潮過咗，不過都阻止唔到死忠粉絲對Pokemon嘅熱愛㗎！

作為一個專業嘅小精靈訓練員，梗係要成身都係Pokemon公仔，甚至連飲杯咖啡，上面個拉花圖案都要係Pokemon啦！不過又唔係隻隻小精靈都咁易畫㗎，好似椰樹獸咁呀，條頸咁鬼長，畫畫下發現唔夠位，咪要用多杯咖啡先畫得晒囉。

如果椰樹獸都要返學嘅話，呢隻肯肯定年年都坐課室最後個位呀！萬里長城長又長，椰樹獸條頸比它長！唔睇兩隻手指公嘅話，可能好多人都會以為佢畫咗條蚯蚓喺指甲上面，點知10隻手指拼埋一齊睇，先知道原來係椰樹獸！不過呢個妹豬次次豎起手指公畀like嘅時候，椰樹獸都會變咗倒樹蔥，都幾慘喎……

サンムーンが発売されたのでここ最近で一番衝撃を受けた痛ネイル置いておきますね pic.twitter.com/1YVuQ0UKJS

— きなこちゃん? (@pompomkinako) November 18, 2016

封面圖片、資料來源連結：pompomkinako／twitter、george_10g／twitter