【地獄廚房】點解跟足教學都煲到啲紅豆同紫米好似異形咁㗎!

最近唔少台灣朋友仔都喺度搶購緊一款抹茶湯圓,早前有網民搶唔到就索性自己買材料DIY𠻹~可想而知抹茶湯圓嘅威力有幾犀利啦!

而facebook page「全聯福利中心」都post咗條教學片,教人點樣將今期hit到爆嘅抹茶湯圓煮得更好味……嗱嗱嗱,個秘訣就喺啲紅豆、紫米同鮮奶度嘞!加埋呢個靚湯底,咁抹茶湯圓嘅味道咪更上一層樓囉!

雖然呢條片已經好詳細,唔少網民跟住條片啲步驟做都大成功,但竟然有網民連跟住做都整咗煲異形出嚟?

圖片來源:全聯福利中心

佢話:「為什麼我煮出紫色異形?」嗯,望住個煲入面呢pat異物起晒紫色泡泡咁……其實樂觀啲睇,隻色同個煲都幾襯吖係咪?

有網民就話嘞,呢位地獄廚神之所以整到異形咁樣樣,係因為佢開咗太大火呀!btw,講到火候控制,呢位日本妹先係佼佼者……

圖片來源:小野妹子學吐槽

佢話呢pat係焦糖醬喎,只不過係火候控制得唔係咁好啫~大家睇唔睇得出呀?

 

資料來源:全聯福利中心小野妹子學吐槽

延伸閱讀:【地獄廚房】估唔估到佢想煮咩?

毛記電視網站 · 版權所有 · 不得轉載 Copyright © TVMOST.COM.HK All rights reserved